ሰርቲፊኬት ምዝገባ መኪና ብዝርዝር ክብደት ዝሓዘት እያ እዚ ኸኣ፡ ሓበሬታ ብቐሊሉ ንኽበጽሓኩም፡ ብሓጺር መገዲ ክገልጾ እየ

ስያመታት ክብደት

 
• ክብደት ኣገልግሎት Tjänstevikt : መኪና ብዘይ ጽዕነት፡ ነቲ መራሒ 70 ኪሎ ግራም ብምምላስ የጠቓልል።
 
• ዝለዓለ ጽዕነት Max last : ብመሰረት ሰርቲፊኬት ምዝገባ መኪና ዝፍቀድ ዝለዓለ ጽዕነት።
 
• ጠቕላላ ክብደት Totalvikt : ናይ ብሓቂ ክብደት ኣገልግሎት + ዝለዓለ ጽዕነት።
 
• ግዝያዊ ክብደት Bruttovikt : እቲ ክብደት ኣብ ሓደ እዋን፡ መኪናኻ ጽዒና እንተኾይና፡ እዚ ግዝያዊ እዩ።

ክብደት ኣገልግሎት፡ ክብደት መኪና ክትሰርዕ እንተደሊኻ፡ ክብደት መራሒ ምስ መኪና ክትሰርዕ ኣለካ፡ ከም ተወሳኺ ጽዕነት ኣይተሓሰበን፡ ኣብ ክንድኡ፡ ክብደት መኪና፡ ክብደት መራሒ የጠቓልል።

እቲ ዝለዓለ ጽዕነት፡ ኣብ መኪናኻ ክትጽዕኖ ዝፍቀደካ ጥራይ እዩ፡ ንኣብነት፡ 600 ኪሎ ግራም ክትጽዕን እንተተፈቒዱልካ፡ እዚ ማለት፡ 600 ኪሎ ግራም ጥራይ እዩ፡ ካብኡ ንላዕሊ ክትጽዕን መሰል የብልካን፡ እዚ ኸኣ ንጽዕነትን ተጓዓዝትን ወይ ንሓደ ካብኣቶም የጠቓልል።

እቲ ጠቕላላ ክብደት ማለት፡ ክብደት ኣገልግሎት + ክብደት ዝለዓለ ጽዕነት ማለት እዩ፡ ንኣብነት፡ ክብደት ኣገልግሎት 1100 ኪሎ ግራም፡ ጽዕነት ድማ 400 ኪሎ ግራም እንተኾይኑ፡ ጠቕላላ ድምር 1500 ኪሎ ግራም ይኸውን።

እቲ ግዝያዊ ጠቕላላ ክብደት፡ ክብደት ኣገልግሎትን እቲ ኣብ መኪና ብግዝያዊ ዝርከብ ክብደትን ማለት እዩ፡ ንኣብነት፡ ክብደት ኣገልግሎት 1000 ኪሎ ግራም እንተኾይኑ፡ ኣብ መኪናኻ ብክብደት 350 ኪሎ ግራም ጽዒንካ እንተኾይንካ፡ እቲ ግዝያዊ ጠቕላላ ክብደት 1350 ኪሎ ግራም ይኸውን።

ምስሓብ ጽዋይ ተጎታቲት (light trailer)

ብመንጃ ፍቓድ ዓይነት B፡ ጽዋይ ተጎታቲት ክትስሕብ ትኽእል ኢኻ። እተን ጠቕላላ ክብደተን ካብ 750 ኪሎ ግራም ዘይበዝሕ ተጎታቲት፡ ጽዋይ ተጎታቲት ተባሂለን ይቑጸራ፡ ብመኪናኻን ብመንጃ ፍቓድ B ጥራይን ክትስሕበን ትኽእል ኢኻ።

እቲ ጠቕላላ ክብደት ናይ እታ ተጎታቲት ካብ 750 ኪሎ ግራም እንተበዚሑ፡ መንጃ ፍቓድ B ጥራይ እንተሃልዩካ ክትስሕባ ኣይትኽእልን፡ መንጃ ፍቓድ ዓይነት BE ክህልወካ ኣለዎ።

እየን እየን ጽዋይ ተጎታቲት ተባሂለን ዝቑጸራ፧

ኩለን እተን ክብደተን ካብ 750 ኪሎ ግራም ዘይበዝሕ ተጎታቲት

ወይ ድማ፡ ሓደ ተጎታቲት፡ እቲ ጠቕላላ ክብደት ናይ መኪና + ተጎታቲት 3.5 ቶን ዝለዓለ ገደብ ኮይኑ፡

ጽቕጥቕጥ ዘለዎ ኣጕበር (Coupling Pressure)

ጽቕጥቕጥ ኣጕበር፡ እቲ ብተጎታቲት ኣብ ልዕሊ እቲ ርእሲ ናይ ዘንጊ ምስሓቢ መኪና ዝፍጠር ጽቕጥቕጥ እዩ። እቲ ጽቕጥቕጥ ኣብ ልዕሊ እቲ ኣጕበር ኣብ መንጎ 40 ክሳብ 100 ኪሎ ግራም ክኸውን ኣለዎ።

ምዕባይ ጽቕጥቕጥ ኣብ ልዕሊ እቲ ኣጕበር፡ ብዓብዪ ጽዕነት ኣብ ቅድሚት እቲ ተጎታቲት ዝመጽእ ኮይኑ፡ ንኣጕበር ናብ ታሕቲ ይጸቕጦ፡ ብኣሉታዊ ድማ ኣብ መኪናን ኣብ ናይ ቅድሚት ጎማታትን ይጸሉ፡ መኪና ድማ ካብ ቅድሚትን ድሕሪትን ላዕሊ ትኸውን፡ ከምኡ’ውን እቲ (ልሙድ) መብራህቲ ንኻልኦት ሰባት የዕውር፡ ምኽንያቱ፡ መኪና ካብ ቅድሚት ስለዝዓበየት።

ነቲ መብርሂ ስእሊ ተመልከት

ምውሓድ ጽቕጥቕጥ ኣጕበር

ምውሓድ ጽቕጥቕጥ ኣጕበር ኣብ ባህርያት መኪና ዓብዪ ጽልዋ ኣለዎ፡ ከምኡ’ውን፡ ምኽንያቱ ጽዕነት ኣብ ድሕሪት ክፋል ናይ እቲ ተጎታቲት ምዃኑ እዩ፡ ኣብ ቅድሚቱ ዘይኮነ፡ ጽዕነት ኣብ ድሕሪት ክፋል ናይ እቲ ተጎታቲት ምስ ዝቕመጥ፡ ነቲ ድሕሪት ናይ ተጎታቲት ናብ ታሕቲ ይጸቕጦ፡ እዚ ድማ ጽቕጥቕጥ ኣብ ልዕሊ እቲ ኣጕበር ዘይእኹልን ዘይመዓራረን ይገብሮ፡ ብሓይሊ ጽቕጥቕጥ ኣብ ድሕሪት ተጎታቲት ናብ ላዕሊ ይስሕቦ፡ እዚ ኸኣ ብሰንኪ ጽዕነት ዝመጽእ ኮይኑ፡ ጎማታት ድሕሪት ናይ መኪና ንኸይተሓሓዛ ይገብር።

ነቲ መብርሂ ስእሊ ተመልከት

ንጸገማት ምዕባይ ወይ ምውሓድ ጽቕጥቕጥ ኣጕበር ንምግላስ፡ ነቲ ጽዕነት ብግቡእን ጽቡቕን መገዲ ክትሰርዖ ኣለካ፡ ከምኡ’ውን፡ ብዝኾነ ምኽንያት ካብ ቦታኡ ምእንቲ ከይለዓል፡ ነቲ ጽዕነት ብጽቡቕ ክትጸንብጦ ኣለካ።

ፍሬኖ (ብሬክ) ናይ ተጎታቲት

 
• እታ ተጎታቲት፡ እቲ ክብደታ ካብ 750 ኪሎ ግራም ዝበዝሕ፡ ብፍሬኖ ክትምላእ ኣለዋ።
 
• እታ ተጎታቲት፡ ክብደት ኣገልግሎት ናይ ብሓቂ ካብ 400 ኪሎ ግራም ዝበዝሕ፡ ናይ ደውታ ፍሬኖ (parking brake) ክህልዋ ኣለዎ።