• ትራክተራትን (Tractors) ኣግራራትን (Trailers) ከምኡ’ውን እተን ፍጥነተን ትሑት ዝኾነ መኻይን ኣብ ኣውቶ-ስትራድን ፈጣናት ጽርግያታትን ክዘውራ የብለንን።
 
• ኣብ ኣውቶ-ስትራዳታትን ፈጣናት ጽርግያታትን ደው ምባልን ምዕራፍን ፍጹም ክልኩል እዩ።
 
• ኣብ ኣውቶ-ስትራድ፡ ብናይ ምጥያቕን ህጹጽ ኵነታትን መኻይን ጥራይ ዝተሰርሓ መግበራት ኣቢልካ ምምላስ ክልኩል እዩ።
 
• ብእግሪ ምኻድ ወይ ብብስክሌታ፡ ንእሽቶ ሞተራዊ ብስክሌታ (moped) ምዝዋር ክልኩል እዩ።
 
• እተን ፍጥነተን ትሑት ዝኾነ መኻይን፡ እቲ ዝለዓለ ፍጥነተን 45 ኪ.ሜ ኣብ ሰዓት እዩ፡ ብ40 ኪ.ሜ ኣብ ሰዓት ክዘውራ ይፍቀደለን።

ንስኻ ከም መራሒ፡ ንኩነታት ጽርግያ ብዝግባእ ክትሰርዕ ድሉው ክትከውን ኣለካ።

ንኩነታት ጽርግያን ትራፊክን ዝበቅዕ ኮይኑ ክትዝውር ኣለካ፡ ይኹን ኣብ ግዜ ሓጋይ ወይ ክረምቲ፡ ወይ ኣብ ዝተፈላለየ ኩነታት፡ ከምኡ’ውን፡ ኣብ ግዜ ዘድልዮ፡ ብቕልጡፍ ግቡእ ውሳነ ክትገብር ክትኽእል ኣለካ፡ እዚ ኸኣ ሓደጋታት ብምጥባቕን ብምክልኻላዊ መገዲ ብምዝዋርን ይኸውን፡ ሓደገኛ ኣብ ዝኾነን ኣጸጋሚ ኣብ ዝኾነን ኩነታት ክትኣቱ ኣይትጋበር፡ ንሕግታት ትራፊክ ድማ ኣኽብሮም።