ኣብዛ ገጽ እዚኣ ብዛዕባ እተን ስራሕ መንገድ ዘርእያ ምልክታት ትራፊክን ምስኣተን ብኸመይ ክትመሓደር ከም ዘለካን ክገልጽ እየ።

ኣቐድም ኣቢሉ፡ ከመይ ገይርካ ክትመሓደር ከም ዘለካ ንምድላው፡ ኣብ መንገድ እንታይ ከም ዘሎ ዘብርሃ ምልክታት ኣለዋ።

ነዛ ምልክት እዚኣ ክትርኢ ከለኻ፡

እዚ ማለት ናብ ከባቢ ስራሕ መንገድ ትቐርብ ከም ዘለኻ እዩ። ከከም ኩነታት እቲ መንገድን መስመራት ምዝዋርን ንምምሕዳር ክትዳሎ ኣለካ። ምናልባት እቲ መስመር ተዓጽዩ ወይ ምንቅስቓስ ትራፊክ ካብ ሓደ መስመር ናብ ካልእ ተቐይሩ ክኸውን ይኽእል ወይ ድማ ብቐስ ክትዝውር የድል ይኸውን።

ነዚ ዝስዕብ ምልክት ክትርኢ ከለኻ፡

እዚ ማለት እቲ ናይ ስራሕ ቦታ ተወዲኡ ማለት እዩ።

እተን ኣብ መገድታት ብተደጋጋሚ እንርእየን ምልክታት፡ ከከምቲ ኣብቲ ጎደና ዘሎ ስራሕ ወይ ከከምቲ እቲ ስራሕ ዘለዎ ሸነኽ መንገድ ይጥቀማ።

 
• ምልክት ቁጽሪ 1 ማለት መስመር ምዝዋር ተዓጽዩ ማለት እዩ።
 
• ምልክት ቁጽሪ 2 ማለት ምንቅስቓስ ትራፊክ ካብቲ ናይ ጸጋም መስመር ናብቲ ናይ የማን መስመር ተቐይሩ ማለት እዩ። ነቲ ኣንፈት ፍላጻ ተመልከት።
 
• ምልክት ቁጽሪ 3 ንግዝያዊ ምልክት እዩ፡ ኣብ ግዜ ግዝያዊ ስራሕ ይቕመጥ።
 
• ምልክት ቁጽሪ 4 ፍላጻ እዩ፡ ኣብቲ መንገድ ስራሕ ከም ዘሎ የጠንቅቕ።

ኣብ መንገድ ዝርከቡ ጻዕዳ ወይ ብርቱካናዊ መስመራት ከምዘን ዝስዕባ ክትርኢ ከለኻ፡

መንገድ ስራሕ መንገድ ወይ ናይ መስመራት ምቕያር ስለ ዘለዎ፡ ክትስዕቦም ኣለካ።

ኣብ ገለ እዋናት ኣብ ውሽጢ ከተማታት ጻዕዳ ወይ ብርቱካናዊ መስመራት ኣይህልዋን። ኣብ ክንድኡ ግን ኣብ ከባቢ እቲ ስራሕ መሓግቲታትን ዓንደራትን ይህልዉ። እቲ መንገድ ድማ ጸቢብ ይኸውን። ኣብዚ ድማ መን ቅድሚት ክሓልፍ ከም ዘለዎ ዘርኢ ምልክት ትራፊክ ይቕመጥ። እዚ ድማ ከከምቲ ቦታን ባህሪኡን እዩ። እዚ ከም ኣብነት፡

እቲ ኣብ ምልክት ዘሎ ናይ የማን ፍላጻ ንዓኻ እዩ፡ እቲ ቀይሕ ድማ ደው ከም እትብልን ንተጻራሪ ትራፊክ ቅድሚት ከም እትገድፍን የረድእ። ምኽንያቱ ንዓኻ ደው ንምባል ዝዓበየ ቦታ ወይ ምስፍሕፋሕ ስለ ዘለካ እዩ፡ ካብቲ ተጻራሪ ሸነኽ። ኣብዘን ኩነታት እዚአን ክትዝውር ከለኻ፡ ንልሙዓት ሰራሕተኛታት ኣብ መንገዲ ስለ ዘለዉ ክትጥንቀቕን ብቐስ ክትዝውርን ኣለካ።

ኣብዚ ድማ እቲ መንገድ ተቐይሩ ኣሎ፡ እቲ ሰማያዊ ፍላጻ ናብቲ ዘመልክተሉ መስመር ከም እትምራሕ የገድደካ። ሓደ ፍላጻ ናብ ሓደ መስመር ጥራይ እናመርሐካ ምስ ትርኢ፡ ካብቲ ተጻራሪ መንገድ መኪና ከም ዘይትመጽእ ፍለጥ። ምኽንያቱ እቲ ኣብ ተጻራሪ ሸነኽ ዘሎ ምንቅስቓስ ናብ ካልእ መንገድ ተቐይሩ እዩ።

ኩለን እተን ብሰማያዊ ሕብሪ ዝተሳእላን ብጻዕዳ መትረብ እተኸበባን ምልክታት፡ ናይ ግዴታ ምልክታት ምዃነን ክንዝክር ይግባእ። ክትስዕበንን ክተኽብርየንን ድማ ኣለካ።

ኣብ ከባቢ ወይ ኣብ ክፋል ስራሕ መንገድ ክትዝውር ከለኻ፡ ኣዝዩ ጥንቃቐ ክትወስድ ኣለካ። ምኽንያቱ ምናልባት ኣብ መንገድ ሰራሕተኛታት ክህልዉ ይኽእሉ፡ እቶም ሰራሕተኛታት ድማ ብስራሖም ጽምዋ ስለ ዝሕዞም ንመካይን ኣቓልቦ ኣይህቡን ይኾኑ። ስለዚ፡ ኣብ ከምዚ ዝኣመሰለ ኩነታት ጥንቃቐን ዕሽሽ ዘይምባልን ክትወስድ ኣለካ።

ነቲ ናይ ምዕራፍ መንገድ መኪና ክሓልፎ ወይ ክሰግሮ ይኽእል ድየ?

መልሲ፡ ኣወ፡ ክትሓልፎ ትኽእል ኢኻ። እታ ናይ ምዕራፍ መንገድ መኪና ንምንቅስቓስ ትራፊክ ንምዕንቃፍ ኣብ መንገድ ኣይትህሉን። ግን ንስኻ ከም መራሒ መጠን ንሰራሕተኛታትን ኣብ መንገድ ንዘለዉን ኣቓልቦን ክትህብን ክትግደስን ኣለካ። ነተን ናይ ምዕራፍ መንገድ መካይን ክትሓልፈን ትኽእል ኢኻ፡ ብፍሉይ ኣብቲ ምስኣተን ዘሎ ምልክት እተቐመጠ ፍጥነት ክትሕሉ እንተኽኢልካ። ምልክት እንተዘይሃልዩ ድማ፡ ከምቲ ኣብ ስእሊ ቁጽሪ 3 ዘሎ ኩነታት፡ ኣብዚ ኩነታት እዚ ንስኻ ናይ ምክልኻልን ውሑስን ኣቕዋም ክትወስድ ኣለካ። ፍጥነትካ ኣንኪ እሞ፡ ቅድሚ ወይ ድሕሪ እታ መኪና ሰራሕተኛታት ከም ዘለዉ ብምጥንቃቕ፡ ብውሑስ መገዲ ክትሓልፍ ይግባእ።